Қарағандыда қыз жаңа танысының телефонын алдап алып кетті, – деп хабарлайды Polisia.kz.
10 қыркүйекте Қарағанды қаласының ПБ Михайлов полиция бөліміне 40 жастағы қала тұрғынының арызы келіп түсті. Ер адам кафелердің бірінде жас келіншекпен кездескенін түсіндірді. Жаңа танысы шұғыл қоңырау шалу үшін ұялы телефон сұраған. Ұялы телефонды алған ол көшеге шығып, қайтып оралмады.
Аталған факті бойынша ҚР ҚК 190-бабы (Алаяқтық) бойынша қылмыстық іс қозғалды. 20 қыркүйекте жедел-іздестіру іс-шаралары барысында криминалдық полиция қызметінің қызметкерлері күдікті – 20 жастағы қызды анықтап, ұстады. Ол кінәсін мойындап, айғақты зат алынды. Қазір тергеу жүріп жатыр.