Алматыда пәтер ұрлықтарын жасаған күдіктілер ұсталды, - деп хабарлайды kazlenta.kz тілшісі Polisia.kz сайтына сілтеме жасап.
Алматы қаласында қалалық криминалдық полиция қызметкерлері Алатау аудандық полиция басқармасымен бірлесіп, полицияның арнайы жасақ бөлімшелерінің қатысуымен пәтер ұрлықтарының бірқатарын жасады деген күдікке ілінген адамдар тобын ұстады. Аталған жедел іс-шаралар мүліктік қылмыстардың алдын алуға бағытталған жедел-профилактикалық жұмыстар аясында жүзеге асырылды. Алатау аудандық полиция басқармасының бастығы Едилхан Байғайраевтің айтуынша, аудан аумағында жасалған ұрлықтарды әшкерелеу бойынша мақсатты жұмыстар жүргізілген.
Өз кезегінде Алматы қаласы полиция департаментінің криминалдық полиция басқармасының бастығы Асхат Дәулетияров бұл оқиға полиция тарапынан жүйелі түрде жүргізіліп жатқан жедел-профилактикалық іс-шаралардың тиімділігін көрсететінін атап өтті.