Алматыда қала әкімі Дархан Сатыбалдының төрағалығымен кеңес өтті. Онда қаланың Бас жоспарын жаңарту және ірі қала құрылысының жобалары қаралды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жиында «Батыс қақпа» мен «Шығыс қақпа» полиорталықтарын дамытуға ерекше назар аударылды. Бұл аумақтар қала өркендеуінің тірегіне айналып, жаңа тұрғын және іскерлік аймақтарды қалыптастырады. Олар қала орталығындағы жүктемені азайтып, жұмыс орындары мен әлеуметтік инфрақұрылымды қамтамасыз етеді.Әкім шамадан тыс тығыз құрылыстан сақ болу қажеттігін атап өтті. Барлық жоба тиісті басқармалардың сүзгісінен өтіп, мұқият тексерілуге тиіс. Егер ескерту болса, оларды тездетіп жою қажет.Сонымен қатар жасыл аймақтарды сақтау және мектеп пен әлеуметтік нысандардың жақын маңда орналасуы маңызды екені айтылды,-делінген хабарда.Мемлекет басшысының тапсырмасына сәйкес, Бас жоспардың маңызды бөлігі – таулы аймақтағы құрылысқа мораторий жариялауы болады.