Farabi Hub орталығында әкімге инновациялық өнім мен жоғары технологиялық жоба орталығының жұмысы таныстырылды. Мұнда студенттер мен зерттеушілер креативті индустрия мен жасанды интеллект саласында стартаптар әзірлеп жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Робототехника орталығында студенттер заманауи технологияны меңгеріп, тәжірибелік шешім жасап, озық жабдықтармен жұмыс істеу дағдысын үйренуде. Сондай-ақ қала басшысы үш жаңа оқу корпусының құрылыс жұмыстарын көрді. Мұнда зертхана, дәрісхана мен пікірталас алаңдары қарастырылған. Әкім Қазақстан-Қытай зертханасына да барды. «Қашықтықтан зондтау технологиялары және оларды қолдану» зертханасында Орталық Азиядағы экологиялық және климаттық өзгерістер зерттелуде. Жұмыс сапары суперкомпьютерлер орталығымен аяқталды. Қуаты 2000 терафлопс болатын бұл жүйе – аймақтағы ең қуатты есептеу орталықтарының бірі, - делінген хабарда.
