Алматы әкімі Дархан Сатыбалды Түрксіб ауданындағы бірқатар өндірістік нысанды аралап, қаладағы жетекші кәсіпорындардың жұмысымен танысты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматы көпір құрылысы зауыты (АКҚК) – 1963 жылдан бері жұмыс істейді. Зауытта 360-тан астам темірбетон конструкциясы шығарылады. Мұнда инновациялық технологиялар енгізіліп, 450 адам жұмыспен қамтылған. «Almaty Mai» зауыты – майлы дақылдарды өңдеумен айналысады. Өнімдері Орталық Азия елдері мен Қытайға экспортталады. Кәсіпорын Алматының азық-түлік қауіпсіздігін қамтамасыз етіп отыр. Зауытта 474 қызметкер еңбек етеді. «№405 авиажөндеу зауыты» АҚ – 85 жылдық тарихы бар авиация саласының көшбасшысы. Мұнда тікұшақ техникасын жөндеу, жаңғырту және өндіру жұмыстары жүргізіледі. Жақын уақытта тағы 150 адамға жаңа жұмыс орны ашылады.Қала әкімі бұл кәсіпорындардың Алматы экономикасындағы маңызын атап, оларды одан әрі жаңғырту мен дамыту қажеттігін айтты.Кеше, 09:37
Алматы өнеркәсіпті дамытуға қолдау көрсетіп келеді
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз