Алматы әкімі Дархан Сатыбалды жұмыс сапары аясында «Ақпараттық технологиялар паркі» арнайы экономикалық аймағына барды. Сапар барысында ол электроника, телекоммуникация және медициналық құрылғылар саласында жұмыс істейтін компаниялардың жай-күйімен танысты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
NERO компаниялар тобы жылу, су, электр қуаты мен газды есепке алу құрылғыларын өндіреді. Жобаға 1,5 млрд теңге инвестиция тартылып, 65 адам жұмыспен қамтылған. XFinity Solutions компаниясы Acer брендінің компьютер техникасын жергілікті жерде құрастыратын өндірісті іске қосты. Жылдық қуаты 100 мың данаға дейін. Мұнда 70 адам жұмыс істейді. SMART ALATAU зауыты телекоммуникациялық жабдықтар: коммутаторлар, модемдер, IP-телефондар мен теледидарға арналған приставкалар шығарады. 60 адам жұмыс істейді, жылдық қуаты 300 мың дана. Juldyz Kenan Co., LTD медициналық бұйымдар: катетер, зонд, бетперде және т.б. өндіреді. Инвестиция 2,1 млрд теңге, 120 адам нәпақасын айырып жүр.АЭА аумағында 60-тан астам шағын және орта бизнес субъектілері жұмыс істеп жатыр. Олардың қатарында жергілікті өндірісті дамытып, экспортқа шығуға қабілетті кәсіпорындар да бар.
