Елордалық Көлік және жол-көлік инфрақұрылымын дамыту басқармасы Нұр-Сұлтан қаласы ПД әкімшілік полиция басқармасының келісімімен жол қозғалысы қауіпсіздігін қамтамасыз ету үшін А.Пушкин көшесіндегі жол төсемін орташа жөндеу жұмыстарын бастайды, деп хабарлайды қала әкімдігінің ресми сайты.
Жол жөндеу жұмыстарының жүргізілуіне байланысты биыл 1-8 қыркүйек аралығында Пушкин көшесінің Әл-Фараби даңғылынан №69 көшеге дейінгі аралығы көлік қозғалысы үшін жабылатын болады.
«Қала жолдарында кептеліс тудырмас үшін елорда тұрғындары мен қонақтары қозғалыс бағытын алдын ала жоспарлауы қажет.
Келтірілген қолайсыздықтар үшін кешірім өтінеміз және жөндеу жұмыстарының жүргізілуіне түсіністікпен қарауды сұраймыз», – делінген көлік басқармасының хабарламасында.