Қазір елімізде сумен жабдықтау қызметтеріне азаматтардың 94,1%, оның ішінде қалаларда - 97,5%, ауылдарда - 90,1% қол жеткізген, деп хабарлайды kazlenta.kz ҚР ИИДМ-не сілтеме жасай отырып.
Биыл жыл қорытындысында тағы 200 мыңға жуық адамды қамту жоспарланған. Бұл дегеніміз - 17,86 млн адам немесе республика халқының 95%. Атап айтқанда қалаларда - 98%, ауылдарда – 91,8%.
2025 жылға қарай тұрғындарды 100% сумен қамту жоспарланып отыр. Ол үшін "Нұрлы жер" мемлекеттік бағдарламасы аясында сумен жабдықтау және су бұру жүйелерін салуға және жаңғыртуға 586 млрд теңге бөлінеді.