Қазақстандағы екінші және үшінші АЭС-ті Қытай салады. Бұл туралы премьер-министрдің бірінші орынбасары Роман Скляр мәлімдеді, - деп хабарлайды kazlenta.kz тілшісі Tengrinews.kz сайтына сілтеме жасап.
Шенеуніктің айтуынша, нысандардың құны туралы айтуға әлі ерте — қажетті есептеулер жүргізіліп жатыр.
"Станцияның құны техникалық-экономикалық негіздеме мен жобалық-сметалық құжаттама дайын болғанда анықталады. Қазір айтуға ерте. Мен нақты емес сандарды атағым келмейді. Үкіметаралық келісім, ынтымақтастық нысаны бойынша барлық мәселе келісу сатысында тұр, кейін Парламентте ратификациядан өтеді", – деді Скляр Үкіметтегі баспасөз конференциясында.
Бұған дейін Президент Қасым-Жомарт Тоқаев Қазақстанда үш атом электр станциясын салу қажеттігін айтқан болатын. Осыған байланысты журналистер Роман Склярдан үшінші АЭС-ті кім салатынын сұрады.
Бұған дейін Атом энергетикасы агенттігі Қазақстандағы алғашқы АЭС-ті салу үшін "Росатом" халықаралық консорциумның көшбасшысы ретінде таңдалғанын хабарлаған болатын."Үшінші станция да (екіншісі сияқты – еск.) Қытайдан болады. Қазір бұл мәселе тиісті агенттік тарапынан қарастырылып жатыр", – деді ол.