Астанада Халықаралық йога күніне орай ниет білдірушілер үшін ашық жаттығу өтті. Іс-шара Ботаникалық бақта ұйымдастырылды, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Жаттығуға таңертең аталмыш жаттығу түрін ұнататындар жиналды, олардың кейбірі балаларымен, отбасымен келген.Іс-шараны Астанадағы Үндістан елшілігі жанындағы Свами Вивекананда атындағы Үнді мәдени орталығы мен Yoga Family Astana ұйымы Астана қаласы әкімдігінің қолдауымен ұйымдастырды.Бағдарламаға Үндістаннан келген тәжірибелі жаттықтырушылармен сабақтар енгізілді. Қатысушыларға сыйлықтар мен сертификаттар табысталды.Қонақтарды Үндістанның Қазақстандағы елшісі Нагендра Прасад құттықтады.
Астана қаласы әкімдігі атынан жиналғандарды Астана қаласы әкімдігінің спорттық-бұқаралық іс-шараларды ұйымдастыру басқармасы басшысының орынбасары Ержігіт Өсербай құттықтады.
