Астанадағы Ботаникалық саябақта жазғы сауықтыру маусымы ресми түрде ашылып, зейнеткерлер йога мен айкүнеден таңғы жаттығуды өткізеді, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Қаладағы демалу саябақтарында зейнеткерлер сауықтыру жаттығуларын өткізуді тұңғыш рет қолға алып отыр. Атап айтқанда, Белсенді ұзақ өмір сүру орталығының спорт нұсқаушылары мен ерікті зейнеткерлері таңғы уақытта сағат 8.00-11.30 аралығында оңалту гимнастикасы, «Цигун» тыныс алу гимнастикасы, скандинавиялық серуендеу, айкүне мен йогадан сауықтыру сабақтарын өткізетін болады.Қала тұрғындарының денсаулығын нығайту және спорттық белсенділікті арттыру мақсатында сауықтыру жаттығулары «Жетісу», «Жерұйық», Ботаникалық саябағында, Орталық және Президент саябағында, Нұржол гүлзары мен Мұғалімдер алаңында қыркүйек айына дейін кестеге сәйкес жалғасатын болады. Жаттығуға қатысу тегін. Іс-шара 21 мамыр күні сағат 10.00-де басталады. Сонымен қатар, осы күні сағат 17.00-де «Жетісу» саябағында ардагерлерді әлеуметтендіру, сауықтыру және зейнеткерлердің бос уақытын тиімді өткізу мақсатында ретро әндерден би кешінің ашылуы өтеді. Белсенді ұзақ өмір сүру орталығы қала зейнеткерлері үшін жазғы маусымда Жетісу саябағында әр сәрсенбі сайын сағат 17:00-19:00 аралығында «Зейнеткерлер дискотекасы» өтеді.21-05-2025, 11:48
Астанада жазғы сауықтыру маусымы ашылады
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз