Қазақстандық SCAT әуекомпаниясы жолаушыларға жүгініп, бірқатар рейстер кестесіне уақытша өзгерістер енгізілгенін хабарлады, - деп хабарлайды kazlenta.kz тілшісі Tengritravel.kz сайтына сілтеме жасап.
Мұның себебі – форс-мажорлық жағдайлар, атап айтқанда, ұшақтарға құстардың соқтығысуы салдарынан келтірілген зақым.
Анталья – Астана және Ақтөбе – Анталья бағыттарында келесі өзгерістер енгізілді.
Антальяда резервтік рейстердің келуін күту кезінде жолаушыларға қонақүйлерде тұру уақыты ұзартылды. Ыңғайлы жағдайлар толық қамтамасыз етілген. Ұшу 2025 жылдың 23 маусымына жоспарланған.
Ақтөбеде рейстерді күтіп отырған жолаушыларға ыстық тағам мен сусындар ұсынылған. Компания өкілдері мен туроператорлар жолаушылармен тұрақты байланыста, кесте қажет болған жағдайда түзетіліп отыр.
2025 жылдың 23 маусымында әуе кемелерінің қайта бөлінуіне байланысты Алматы – Шарм-эль-Шейх, Алматы – Анталья, Анталья – Алматы бағыттарында кідірістер болуы мүмкін.
Сондай-ақ, халықаралық жағдай мен жекелеген әуе аймақтарында ұшуларды орындауға қойылған уақытша шектеулерге байланысты 23 маусымға жоспарланған Астана – Доха рейсі тоқтатылғаны хабарланды.