Алматыда жастар арасындағы жұмыссыздық деңгейі төмендеп келеді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қалалық жастар саясаты басқармасы жұмыссыздықты азайту және жастарды жұмыспен қамту бойынша жобаларды жүзеге асырып жатыр.Негізгі құралдардың бірі Jasalmaty.kz порталы. Биыл жыл басынан бері бұл платформа 3,5 мың жасқа тұрақты жұмыс табуға көмектесті. Платформада 5 мың компаниядан 7 мыңнан астам бос жұмыс орны орналастырылған.Қалалық мансап орталығы да жастарға белсенді түрде көмектесіп келеді. Жыл басынан бері 7,5 мың адам көмек сұрап жүгінген, оның ішінде 5,7 мыңы жұмысқа орналасқан. Орталықтың қызметтері қаладағы комьюнити-орталықтарда қолжетімді. Қалада 695 мыңнан астам жас тұрады, олардың 442 мыңы еңбекке араласқан, -делінген хабарламада.