2025 жылғы 16 мамырда ҚР Оқу-ағарту министрлігінің ресми өкілі Мереке Нұрмұханова Орталық коммуникациялар қызметіндегі брифингте мектеп бітіру кешіне қатысты ақпаратпен бөлісті, деп хабарлайды kazlenta.kz тілшісі Zakon.kz сайтына сілтеме жасап.
Журналистер мектептерде бітіру кештеріне ақша жинау мәселесіне байланысты рейдтер немесе тексерулер жоспарланып жатқанын сұрады.
"Жалпы, кез келген іс-шара – мектеп аумағында болсын, одан тыс жерлерде болсын – ата-аналар мен ересектердің өз жауапкершілігін түсінуін талап етеді. Ең алдымен, бұл балалардың қауіпсіздігіне қатысты. Оқу жылының аяқталуы – сөзсіз маңызды кезең. Ересектердің міндеті – бұл күнді балалардың есінде мектепке, мұғалімдерге, ата-аналарға және өз еліне алғыс айту күні ретінде сақтау. Бұл мәселеде жауапкершілік тек педагогтар мен мектеп әкімшілігіне ғана емес, ата-аналардың өздеріне де жүктеледі. Олар ықтимал салдарды түсініп, ең алдымен, қауіпсіздікті қамтамасыз етуі тиіс", – деді Мереке Нұрмұханова.Ол қазіргі уақытта министрлік жергілікті атқарушы органдармен өзара әрекеттесіп жатқанын қосты.
"Егер заң бұзушылықтар туралы нақты сигналдар түссе, тиісті шаралар қабылданады. Жалпы, біз ата-аналармен түсіндіру жұмыстарын жүргізіп жатырмыз және заң бұзушылықтардың алдын алуға үміттенеміз", – деп толықтырды Мереке Нұрмұханова.
Бұған дейін Білім министрлігі мектептердегі соңғы қоңырау 2025 жылдың 25 мамырында неге соғылмайтынын түсіндірген болатын.