Алматы полициясы мәлімдеме жасады, - деп хабарлайды kazlenta.kz тілшісі Polisia.kz сайтына сілтеме жасап.
Алматы қалалық полициясы балалардың қатысуымен болатын жол-көлік оқиғаларының көбейгенін айтып дабыл қағуда. Өкінішке қарай, кей жағдайда мұндай қайғылы оқиғалар кәмелетке толмағандардың өлімімен аяқталады.
- Бізді балалардың жол бойында ересектердің қарауынсыз қалып қоятыны және жол қауіпсіздігінің қарапайым дағдыларын білмейтіндігі алаңдатады. Бұл - ата-аналар мен заңды өкілдерінің немқұрайлылығы мен салғырттығының салдары. Балаларды қараусыз қалдырмауға шақырамыз! Есіңізде болсын, бір сәт - орны толмас нәрсе болуы мүмкін. Баланың қауіпсіздігі - Сіздің тікелей жауапкершілігіңіз! – деді, Алматы қалалық ПД анықтау Басқармасының бастығы Ержан Шайхиев.
Сондай-ақ полиция, ҚР ӘҚБтК-нің 127-бабына енгізілген өзгертулерге сәйкес, балалардың қауіпсіздігін қамтамасыз ету жөніндегі міндеттерді орындамағаны үшін жауапкершілік енді ата-аналар мен заңды өкілдерге жүктелетінін еске салды.