Асқартау шағын ауданы, Жансая көшесі, 17Б мекенжайында орналасқан блокталған үй сүріліп жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұған дейін жоспардан тыс тексеру нәтижесінде меншік иесіне рұқсат құжаттарының жоқтығына байланысты әкімшілік шаралар қолданылып, заңбұзушылықтарды жою туралы нұсқама берілген болатын.Нұсқама мерзімі өткеннен кейін Бостандық аудандық сотына үйді сүру туралы талап-арыз берілді. 2024 жылдың 2 мамырында Алматы қалалық соты үйді сүру туралы шешімді өзгеріссіз қалдырды.Осыдан кейін Әділет департаменті шешімді орындауға кірісті. Үйді бұзу сот орындаушыларының қатысуымен жүргізіліп жатыр.Еске салайық, Алматы әкімі Ерболат Досаевтың тапсырмасымен 2023 жылдың басынан бері заңсыз салынған 72 нысан, оның ішінде «Мечта», KHAN тұрғын үй кешендері және басқа да ғимараттар толық немесе жартылай сүрілді.