Алматыда дәмхана маңындағы заңсыз құрылыс бұзылып жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматыда Сәтбаев көшесі, 4а мекенжайында орналасқан Juz дәмханасының рұқсат құжаттарынсыз салынған кіреберісін бұзу жұмыстары басталды.
Не болды? Құрылыс жалпыға ортақ аумақты, соның ішінде ерекше қажеттілігі бар адамдарға арналған пандусты жауып қалған. Тұрғынның шағымы негізінде заңбұзушылық анықталды. Қала құрылысын бақылау басқармасы жоспардан тыс тексеру жүргізді Шешімдер хронологиясы: 2024 жылы 4 қазан — материалдар сотқа жіберілді. 2024 жылы 22 қараша — сот ғимаратты сүру туралы шешім шығарды 2024 жылы 27 желтоқсан — Алматы қалалық соты шешімді күшінде қалдырды. Бүгін Алматы Әділет департаменті сот орындаушыларының қатысуымен сүру басталды. 2023 жылдың басынан бері әкім Ерболат Досаевтың тапсырмасымен қалада 70 заңсыз нысан, оның ішінде «Мечта», KHAN тұрғын үй кешендері және басқа да ғимараттар сүрілді.Алматыда құрылыс заңдылығын бақылау күшейтілуде. Басты басымдық — қалалық ортаның қауіпсіздігі, қолжетімділігі және заңдылығы.