Алматыда Қарағайлы шағын ауданында орналасқан «Француз үйі» заңсыз тұрғын үй кешенін сүру басталды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қала құрылысын бақылау басқармасының мәліметінше, құрылыс салушы нысанды қажетті рұқсаттарсыз салған: СТЖ, эскизді келісу, құрылыс жұмыстарының басталғаны туралы хабарлама және сараптама болмаған.Әкімшілік шаралар қабылданып, сотқа талап арыз берілгеннен кейін, сүру туралы шешім бірінші сатылы сотында қанағаттандырылып, бұл шешімді қалалық сот өзгеріссіз қалдырды. 2024 жылы 30 қаңтарда атқару парағы Әділет департаментіне жолданып, бүгін сот орындаушыларының қатысуымен сүру жұмыстары басталды.Алматы әкімі Ерболат Досаевтың тапсырмасына сәйкес, өткен жылдың басынан бері 55 заңсыз нысан сүрілді, оның ішінде «Мечта», KHAN, «Алма Гарден» тұрғын үй кешендері бар. Бұл шаралар қаланың қауіпсіздігін, құрылыстың сапасы мен заңдылығын қамтамасыз етуге бағытталған.12-12-2024, 18:29
Алматыда тағы бір заңсыз ТҮК сүріліп жатыр
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз