7 жасар қыздың өмірін қиған жол апаты: автобус жүргізушісі де жазаланды. Бұл туралы Алматы қаласының Полиция департаменті мәлімдеді, деп хабарлайды kazlenta.kz тілшісі Қазақпаратқа сілтеме жасап.
– Тергеу аясында оқиғаның барлық мән-жайы анықталып жатыр. Әр адамның іс-әрекетіне құқықтық баға беріледі, кінәлілер жауапқа тартылады. Сонымен қатар жаяу жүргіншілер өткелінде балаға жол бермеген автобус жүргізушісі ӘҚБтК-нің 600-бабы бойынша әкімшілік жауапкершілікке тартылды. Автобус айып тұрағына қойылды, - деп хабарлады департаменттен.
– Өкінішке қарай, бала оқиға орнында қайтыс болды. Адамның өліміне әкеп соққан жол-көлік оқиғасы фактісі бойынша қылмыстық іс қозғалды. Ол бойынша сараптамалық зерттеулер жүргізіледі, - деп хабарлады департаменттен.