Алматыда үш автобус пен бір жеңіл көлік соқтығысты, - деп хабарлайды kazlenta.kz тілшісі Tengrinews.kz сайтына сілтеме жасап.
Райымбек даңғылында ірі жол апаты болды. Зардап шеккендер бар екені айтылды.
"Бүгін, 13 ақпанда сағат 09:00 шамасында Райымбек даңғылының бойымен шығыс бағытта келе жатқан 54-бағыттағы автобус жүргізушісі алда келе жатқан 133-маршруттағы автобуспен, сондай-ақ Nexia көлігімен соқтығысты. 133-ші автобус инерция салдарынан қатарлас келе жатқан 88-бағыттағы автобуспен соқтығысқан", - деп хабарлады Полиция департаменті.
Зардап шеккендерге медициналық көмек көрсетілді. Жол апатына ұшыраған үш автобус жеке тасымалдаушыларға тиесілі. Оқиға дерегін Медеу аудандық ПБ қызметкерлері анықтап жатыр. Басқа мән-жайлар анықталып жатыр.