Елордалық дәрігерлер алты айлық баланың өмірін аман алып қалды. Үстіне қайнап тұрған су төгіліп, қатты күйік алған алты айлық сәбидің өмірін №2 көпсалалы қалалық аурухананың дәрігерлері аман алып қалды, деп хабарлайды kazlenta.kz тілшісі Астана әкімдігінің ресми сайтына сілтеме жасап.
Бала қайнаған су құйылған шәйнекті өз үстіне құлатып алған. Нәтижесінде нәресте I-II-IIIA дәрежелі термиялық күйік алды. Денесінің 25%-ы – басы, беті, мойны, кеудесі, іші және аяқ-қолын күйдірген. Ауруханаға барар жолда оның жүрегі тоқтап қалды, бірақ дәрігерлер оны қалпына келтірді. Келесі кезекте мамандар күйікке қарсы қарқынды терапия жүргізді. Мамандардың келісілген жұмысы мен нәрестенің төзімділігінің арқасында жағдайы тұрақтанды.Қазір баланың жағдайы қанағаттанарлық, оны шығаруға дайындалып жатыр.4-04-2025, 16:31
Елордалық дәрігерлер алты айлық баланың өмірін аман алып қалды
Фото: Астана қ.әкімдігі
Егер мәтінде қате байқасаңыз, оны таңдап, Ctrl+Enter пернелерін басыңыз