Оқиға Қаратал шағын ауданында болған. 18 тамыз күні кешкі уақытта екі жасар бала үшінші қабаттың терезесінен құлап кеткен. Баланың ересектердің қарауынсыз қалғаны анықталды. Тәртіп сақшыларының сөзінше, анасы кішкентайын үлкен балаларына қалдырып, үйден шығып кеткен. Абырой болғанда, бала аман қалды.
“Шақырту бойынша келген дәрігерлер зардап шеккен баланы облыстық балалар ауруханасына жеткізді. Қазір оны тексеріп жатыр. Дәрігерлер балаға көмек көрсетуде. Оның анасы да сонда”, – деді Жетісу облыстық полиция департаменті ЖПҚБ бастығының орынбасары Қайсар Мұхметов.