Қостанай облысында көліктен ұрлық жасаған күдікті анықталды, – деп хабарлайды kazlenta.kz тілшісі Polisia.kz сайтына сілтеме жасап.
Түнде белгісіз ер адам Меңдіқара ауданы Харьков ауылындағы қоршалған жеке үйдің аумағына кіріп, есігі жабылмаған Газель көлігінен ақшасы бар барсетканы ұрлап кеткен. Сөмкеде 1,4 млн теңге болған. Жедел-іздестіру іс-шараларының нәтижесінде құқық қорғау органдары осы ауылдың 22 жастағы тұрғынын анықтап, ұстады. Жеке тінту кезінде күдіктіден ұрланған барлық ақша тәркіленді. Ұрлық фактісі бойынша полиция сотқа дейінгі тергеп-тексеруді жүргізді. Іс сотқа жолданды. Кінәлі деп танылған жағдайда күдіктіге мүлкі тәркіленіп, 2 жылдан 7 жылға дейінгі мерзімге бас бостандығынан айыру түріндегі жаза тағайындалуы мүмкін.Бүгін, 15:53
Қостанай облысында көліктен ұрлық жасаған күдікті анықталды
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз