“Пәтер алып беремін”: ШҚО-да тұрғындарды 56 млн теңгеге алдаған күдікті ұсталды, — деп хабарлайды kazlenta.kz тілшісі Polisia.kz сайтына сілтеме жасап.
Шығыс Қазақстан облысында алты жергілікті тұрғын алаяқтықтың құрбаны болған. Жәбірленушілер полицияға бір әйелдің мемлекеттік бағдарлама арқылы арзан баспана алып беремін деп уәде етіп, олардан ірі көлемде ақша алғанын туралы өтінішпен жүгінген. Тергеу барысында белгілі болғандай, алаяқтық схеманың басы Өскемен тұрғынының әріптесіне өзінің анасын байланыс нөмірін ұсынып, оның баспана алуға көмектесе алатынын айтқан. Аталған ақпарат “сарафан радиосы” арқылы тарап, таныстар мен туыстар да осы көмекшінің қызметін пайдаланғысы келген. Азаматтар күдіктіге миллиондаған теңге берген, алайда уәде етілген пәтерлердің кілті табысталмаған. Кейіннен әйел адам байланысқа шығуын тоқтатқан. Жалпы шығын 56 млн теңгені құраған. Қазіргі уақытта полиция күдіктіні анықтап, тергеу амалдарын жүргізуде.
Полиция департаменті азаматтарға қаржылық операциялар кезінде сақтық таныту қажет екендігін ескертеді. Ақша аудармас бұрын ақпаратты тексеріп, заңды түрде рәсімделген кепілдіктерсіз бейтаныс немесе таныс емес адамдарға ақша бермеу маңызды. Кез-келген келісімшарт жасаспас бұрын мамандармен кеңесу қажет. Күмән туындаған жағдайда құқық қорғау органдарына хабарласқан жөн.