Қытайға жұмыс сапары аясында Алматы әкімі Ерболат Досаев Tus-Holdings Co. директорлар кеңесінің төрағасы Ван Цзюмен кездесіп, инновация, технология және инвестиция салаларындағы ынтымақтастықтың мүмкіндіктерін талқылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Кездесу барысында Қазақстанда бизнес инкубатор, білім кластері және ғылыми парк құру жобалары қарастырылды.Ерболат Досаев Алматының IT-секторының дамуын және қаланың жоғары несие рейтингін атап өтті. Ван Цзю өз кезегінде ынтымақтастыққа, соның ішінде «ИТП» АЭА-мен серіктестік орнатуға қызығушылық білдірді.Наурыз айында Tus-Holdings Co. өкілдерінің Қазақстанға сапары жоспарланып отыр. Олар нарықты зерттеп, Алматыда технопарк ашу үшін 50/50 үлеспен бірлескен кәсіпорын құру мәселесін талқылайды.Tus-Holdings Co. — 80 қалада 400 технопарк пен 200 технологиялық инкубатордан тұратын желіні басқаратын жетекші ғылыми-технологиялық инвестициялық холдинг.