Токио Олимпиадасында бокстан аса ауыр салмақта жартылай финалдық жекпе-жектер аяқталды, деп хабарлайды Olympic.kz.
Аталған салмақ бойынша сынға түскен қазақстандық Қамшыбек Қоңқабаев жартылай финалда қарсыласына жол берді. Жекпе-жек үшінші раундта отандасымыздың жарақат алуына байланысты тоқтатылып, жеңіс АҚШ өкілі Ричард Торреске берілді.
Нәтижесінде, бокстан Қазақстан құрамасының капитаны Токиодағы Олимпиада ойындарының қола жүлдегері атанды.
Айта кетелік, бокстан Токио Олимпиадасына толық құраммен барған Қазақстан командасы сапынан жартылай финалға Сәкен Бибосынов пен Қамшыбек Қоңқабаев өткен болатын.
Өкінішке қарай, Қоңқабаев жартылай финалда жеңіліс тапты. Енді Сәкен Бибосынов (52 келі) ертең финал жолдамасы үшін сынға түседі.