2024 жылы Алмалы ауданында 21 көшедегі 1 037 абонентке қызмет көрсететін 8,8 км сумен жабдықтау және су бұру желілерінің құрылысы аяқталды,деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Сондай-ақ, 1 500 абонентке су жеткізетін Төле би көшесіндегі сорғы станциясы жаңартылып, 2,7 км жылу желісі жөндеуден өтті.2025 жылы бұл жұмыстар қарқынды түрде жалғасады. 23 көшеде 13,8 км су және кәріз жүйесін салу, 12,2 км жылу желісін жаңғырту бойынша 30 жобаны жүзеге асыру жоспарланған. 2025 жылы Алматыда 260 км жаңа инженерлік желі салынып, 87 км желі жаңғыртылады. Бұл жұмыстар қызмет көрсету сапасын арттырып, тұрғындар үшін жайлы жағдай жасайды.