- Қазіргі кезде Көкшетау, Семей, Өскемен қалаларында 2032 жылға дейін кезең-кезеңімен пайдалануға берілетін үш жылу электр орталығын салу бойынша жобалар іске асырылып жатыр. Сонымен қатар бұл ЖЭО-лар «Самұрық-Энерго» АҚ және «Самұрық-Қазына» АҚ еншілес компанияларының меншігінде болатынын хабарлаймыз, - деді министрліктің өкілі.
Еске салсақ, 2024 жылы сәуірде Қазақстан Республикасы мен Ресей Федерациясының энергетика министрліктері арасында Көкшетау, Семей және Өскемен қалаларында ЖЭО салу жобалары бойынша ынтымақтастық туралы келісімге қол қойылды.
Ал 10 қыркүйекте Көкшетау ЖЭО құрылысы басталатыны хабарланды.
Премьер-Министрдің бірінші орынбасары Роман Скляр Қазақстанда салынатын үш жылу электр орталығының құрылысына қаражат қайдан бөлінетінін түсіндірді.