Алматы Қазақстанның жетекші туристік орталықтарының бірі ретінде дамуын жалғастыруда, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
2024 жылдың үшінші тоқсанының қорытындысы бойынша қалада 366 орналастыру орны жұмыс істейді, олардың нөмірлік қоры 11,4 мың бірлік. Қызмет көрсету көлемі 27,6%-ға өсіп, 70,2 млрд теңгеге жетті, ал қонақ үй бизнесінен түскен салық түсімі екі есеге артып, 9,8 млрд теңгеге жетті. 2024 жылы жеке инвестицияның арқасында Алматыда 35 жаңа нысан, соның ішінде қонақ үйлер, глэмпингтер, хостелдер және шағын қонақ үйлер ашылды. Алдағы уақытта 336,3 млрд теңге сомасына 30 жаңа қонақ үй жобасын салу көзделуде. Бұл нөмірлік қорды айтарлықтай арттырып, қызмет көрсету сапасын жақсартуға мүмкіндік береді. Жобаларды жүзеге асыру 2027 жылға дейін аяқталады, бұл Алматының халықаралық туристік орталық ретіндегі позициясын нығайтады.30-12-2024, 17:30
Алматыдағы қонақ үй бизнесі: қорытынды мен болашақ
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз