Алматыдағы Арбат мереке қарсаңында Лондондағы атақты Карнаби көшесінің стилінде безендірілді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қазір Жібек жолы көшесі мыңдаған шаммен жарқырап тұр. Арбаттың бойында ақшақарлар, бұғылар, аюлардың мүсіндері, жұлдыздар, шырша және басқа да инсталляциялар орнатылған.Тағы бір ерекшелік – «Жаңа жылыңызбен!», «Бақытты бол!», «Жұлдызың жансын!» деп жазылған ақжарма тілектер көздің жауын алып, халыққа қуаныш пен шаттық сыйлауда.Енді Арбатқа келген әр алматылық пен турист осы жерде суретке түсіп, жарқын естеліктер қалдыра алады.
«Балаларыммен бірге таңданып жатырмыз!Суреттерге түсіп үлгердік. Бұл жердің атмосферасы ерекше болып тұр. Алматы бізді құшағына алуға дайындалып жатқан сияқты», – деді қала тұрғыны Алуа Жомарт.