Алматы мәслихатының сессиясында 2025-2027 жылдарға арналған қалалық бюджет бекітіліп, шаһар басшысы Ерболат Досаев көлік саласын дамыту жоспарын таныстырды,деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
2025 жылы Абай даңғылы мен Саин көшесін ҮАААЖ-ға қосу жұмыстары аяқталып, Тілендиев көшесі мен Солтүстік айналма жолында жұмыстар басталады. Бұл мақсатқа 34 миллиард теңге бөлінеді. Биыл 600 газбен жүретін және 100 электр автобусы сатып алынып, көлік құралдарының орташа пайдалану мерзімі 6 жылдан 2,5 жылға қысқарды. Сонымен қатар, троллейбус паркі толықтай жаңартылып, 212 троллейбус сатып алынды. 2025 жылы тағы 600 газбен жүретін және 200 электр автобусы сатып алу көзделген. Келесі жылы қала әкімдігі көлік саласындағы жобаларды жүзеге асыру үшін алғаш рет «жасыл» облигациялар шығарады. Сондай-ақ, «Барлық» базарына және әуежайға дейін метроны ұзарту үшін сырттан қарыз тарту жұмыстары жүргізілуде.6-12-2024, 16:30
Алматыда көлік жобаларын жүзеге асыру үшін «жасыл» облигациялар шығарылады
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз