Тергеу алды тексеріс жұмыстарының барысында полиция қызметкерлері мектеп дәретханасында құрдастарын аямай соққыға жығып, оны видеоға түсірген жасөспірімдердің кім екендіктерін анықтады, деп хабарлайды Zakon.kzҚР ІІМ Ішкі және сыртқы коммуникациялар департаментінің директоры Алмас Садубаевқа сілтеме жасап.
"Анықталғандай, оқиға осыдан тура бір жыл бұрын, 2018 жылы 10-қаңтар күні Қызылордада болған екен. Ол кезде жапа шеккен оқушының ата-анасынан полицияға ешқандай арыз түспеген. Қазіргі таңда қылмыс белгілері бойынша ҚР ҚК 293-быбының 2-бөліміне (Бір топ адам болып бұзақылық жасау) сәйкес сот алды тергеу шаралары басталды. Аталған бап бас бостандығынан 5 жылға дейін айыруды немесе дәл осы мерзімге бас бостандығын шектеуді көздейді", - деді Алмас Садубаев.
Мектеп оқушысын дәретханада соққыға жығу жайлы видео 23-қаңтар күні тараған. Мұның барлығы Түркістан облысында орын алған деп болжанған еді. Бұдан алдын аталған облыста дәл осы сияқты оқиғаға қатысты тергеу басталған болатын.
Сурет: Комсомольская правда Казахстан