Жаяу жүргіншілер өткелі арқылы жолдан өтпек болған 11 және 13 жасар ағалы-інілі екі баланы «HYUNDAI» маркалы кіші жүк көлігі қағып кеткен.
«Іле ауданының орталығында жаяу жүргіншілер өткелінде баланы қағып кеткен жүргізуші қамаққа алынды»,- деп хабарлайды zakon.kz, Алматы облысы Полиция департаментінің баспасөз қызметіне сілтеме жасап.
Оқиға 24 қаңтар күні Өтеген батыр кентінде орын алған. Жаяу жүргіншілер өткелі арқылы жолдан өтпек болған 11 және 13 жасар ағалы-інілі екі баланы «HYUNDAI» маркалы кіші жүк көлігі қағып кеткен. Оқиға орнында 11 жасар бала көлік апатынан алған жарақаттан көз жұмды. 13 жастағы жасөспірім әртүрлі дене жарақатын алып, амбулаторлық емдеуге жіберілді.
«Бұл факті бойынша ҚР Қылмыстық кодексінің 345-бабына сәйкес сотқа дейінгі тергеу амалдары жүргізілуде. Қазіргі уақытта 23 жастағы көлік жүргізушісі Іле ауданы полициясының уақытша ұстау оқшаулағышына қамаққа алынды»,- деп атап өтті ведомство өкілдері.
Айта кетейік, көлік апатынан кейін жүргізілген медициналық куәландыру нәтижелері бойынша жол-көлік оқиғасы кезінде жүргізуші алкогольді ішімдік қабылдамағаны анықталды.
Сурет: Mir24.tv