Алматы әкімі №9 мектепті күрделі жөндеуді жеделдетуді тапсырды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Ерболат Досаев 50 жыл бұрын салынған №9 мектептің күрделі жөндеу барысын тексерді. 2023 жылдың ақпанында басталған жұмыстар бір жылдан соң аяқталуы керек еді, бірақ мердігерлер уақытынан кешікті. Бүгінде жұмыстың 85% біткен. Осыған байланысты құрылыс басқармасы мердігерден айыппұл өндіріп, оны жауапсыз деп тану туралы сотқа шағым түсірді. Қазір аумақты абаттандыру, спорт залы мен асхананы безендіру, сондай-ақ бейнебақылау және өрт қауіпсіздігі датчиктері орнатылып жатыр. Әкім жөндеу жұмыстарын жеделдетіп, жаңа оқу жылы басталғанға дейін аяқтауды тапсырды. Сондай-ақ, кіреберісті кеңейтуге, арық жүйесін құруға және спорт стадионын қайта құруға назар аударды.18-06-2024, 17:28
Алматы әкімі №9 мектепті күрделі жөндеуді жеделдетуді тапсырды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз