Павлодар облысының полициясы интернет-алаяқтықтан сақтану жолдарын ұсынады, – деп хабарлайды kazlenta.kz тілшісі Polisia.kz сайтына сілтеме жасап.
Павлодар облысының полициясына түрлі тәсілдермен жасалған алаяқтық әрекеттерден зардап шеккен азаматтардан хабарламалар келіп түсуде.
Жыл басынан бері өңірде мыңнан астам алаяқтық фактілері тіркелді. Алаяқтық тәсілдері өте алуан түрлі, бірақ олардың барлығы басқа адамдардың мүлкін заңсыз иемденуге бағытталған.
Телекоммуникациялық ортадағы алаяқтықтар жиі кездеседі, олар заманауи байланыс құралдары мен интернет желісін қолдана отырып жасалады.
– Телефон арқылы алаяқтар өздерін банк қызметкерлері ретінде таныстырады және азаматтардың жинақтарын картадан үшінші тұлғалар алуға тырысып жатқаны туралы хабарлайды, сондықтан қаражатты басқа қауіпсіз шотқа аударуды ұсынады, – дейді Павлодар облысы полиция департаменті.
Әдетте әртүрлі тауарларды сату туралы интернет-хабарландырулар азаматтарға төмен бағамен тауар береді және сатушыдан алдын-ала төлемді аударуды сұрайды. Ақша аударылғаннан кейін сатушы байланысқа шықпайды және сатып алушы алдаудың құрбаны болғанын түсінеді.
Мұндай жағдайларды болдырмау үшін белгілі бір ережелерді сақтау қажет:
– алаяқтар заңсыз әрекеттер жасау үшін пайдалануы мүмкін жеке мәліметтерді немесе банк карталарының деректерін телефон арқылы хабарлауға болмайды;
– егер досыңызға немесе туысқаныңызға шұғыл ақшалай көмек сұрап қоңырау түссе, жоғарыда аталған адамдармен байланысып, олармен бәрі жақсы екенін тексеру қажет;
– әлеуметтік желілерде белгілі бір соманы көрсетілген шотқа аудару туралы досыңыздан хабарлама келген жағдайларға да қатысты: сіз онымен байланысуыңыз керек немесе сұхбаттасушыға тек ол білетін сұрақ қоюыңыз керек.
Интернет желісі арқылы тауарларды сатып алу кезінде алаяқтардың айла-амалдарына түспеу үшін полиция қызметкерлері жақын маңдағы ресми сату пункттерін пайдалануды ұсынады. Сондай-ақ қолма-қол ақшаңызды аударудың қажеті жоқ, бейтаныс адамдардың өтініші бойынша банк картасымен қандай да бір операцияларды жүргізу, жеке деректерді, банктік шоттың деректемелерін немесе карта нөмірлерін хабарламау қажет.
Егер сіз алаяқтардың құрбаны болсаңыз, дереу полицияға хабарлаңыз.