Астана қаласының полицейлері автокөліктен жасалған ұрлықты бір тәулік ішінде ашты, – деп хабарлайды kazlenta.kz тілшісі Polisia.kz сайтына сілтеме жасап.
Елордалық полицейлер тұрғын үйлердің бірінің тұрағында тұрған автокөліктен ноутбуктың ұрланғанын анықтады. Көлік салоны шашылып жатқандықтан жәбірленуші мүлкінің жоғалғанын бірден байқамаған. Көп ұзамай 19 жастағы жігіт полицияға жүгінген.
Бір тәулік ішінде Нұра ауданының криминалдық полиция қызметкерлері 25 жастағы азаматты анықтады.
Ер адам түнде аулада тұрған көлікті байқағаны белгілі болды. Көлік есіктерінің құлыпталмағаны қаскүнемнің жұмысын жеңілдетті. Салоннан ол ноутбук салынған сөмкені көрген, оның ішінде сондай-ақ банк карталары мен қолма-қол ақша болған. Ер адам сөмкені алып кетіп, жасырынып қалған. Ол техниканы сатып алушыға сатып, ал ақшаны жеке қажеттіліктеріне жұмсаған, осылайша материалдық шығын келтірген.
Дәлелдемелерді ұсынғаннан кейін ұсталған адам ұрлық жасағанын мойындады.
Аталған факті бойынша қылмыстық іс қозғалды, күдікті бұрын сотталған болып шықты.
Астана қаласының полиция департаменті азаматтарға бөтеннің мүлкін ұрлау қылмыстық жауапкершілікке әкеп соғатынын ескертеді.