Алматыда жетім балаларға арналған заманауи кешен салынады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматыда «Жанұя» мамандандырылған кешенінің тәрбиеленушілері үшін оқу және спорт залдары бар жаңа кешен мен жатақхана салынады. Ол 1962 жылы салынған апаттық ғимараттың орнында пайда болады. Құрылыс кезінде осы мекеменің 82 тәрбиеленушісі №1 арнайы мектеп-интернатқа орналастырылады. Көшу кезінде балалардың қауіпсіздігін қамтамасыз ету үшін олар 5-10 тамыз аралығында Оқушылар сарайының жанындағы «Өрнек» лагерінде демалады.«BI Group» құрылыс компаниясы бизнестің әлеуметтік жауапкершілік аясында ескі ғимаратты бұзып, жаңа заманауи кешен салуды көздеп отыр. Жобаны 2025 жылдың соңына дейін бітіру көзделген. «Жанұя» кешенінде жетім балалар мен ата-анасының қамқорлығынсыз қалған балаларға арналған балалар үйі, 4 жастан 18 жасқа дейінгі зияткерлік кемістігі бар балаларға арналған түзету мектеп-интернаты бар.1-08-2024, 16:34
Алматыда жетім балаларға арналған заманауи кешен салынады
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз