Оқушылардың алғашқы легі Қапшағай су қоймасының жағасында демалып жатыр. Олардың арасында Алматының түрлі ауданынан келген ерекше қажеттілігі бар балалар мен оқушылар бар. Биыл Алматыда 266 мың баланы жазғы демалыс кезінде демалыспен және жұмыспен қамту көзделген. Олардың ішінде жетім, ерекше білім беру қажеттілігі бар ата-анасының қамқорлығынсыз қалған балалар, сондай-ақ аз қамтылған және көпбалалы отбасылардан шыққан балалар 100% қамтылады.Оқушылар сарайының «Өрнек» лагерінде 3 маусымда 900 бала демала алады. Олар «Жанұя» мамандандырылған кешеннің тәрбиеленушілері, халықтың әлеуметтік осал тобының балалары, сондай-ақ байқаулар мен жарыстардың жеңімпаздары.