Екібастұзда қарсы жолаққа шыққан жүргізушілер жауапқа тартылды, – деп хабарлайды kazlenta.kz тілшісі Polisia.kz сайтына сілтеме жасап.
Екібастұз патрульдік полиция ротасының қызметкерлері Chevrolet Cobalt автокөліктің жүргізушісін тоқтатты. Ер адам М.Әуезов көшесіндегі қарсы қозғалыс жолағына шықты. Сол түні Энергетиктер көшесінде ВАЗ-21099 жүргізушісі тоқтатылды, ол да қарсы қозғалыс жолағына шықты. Жүргізушілерге қатысты әкімшілік материалдар толтырылып, сотқа жолданды.
– Осы жылы қарсы қозғалысқа арналған жолдың жүріс бөлігі жағына шыққаны үшін 38 факті анықталды, барлық жүргізушілер алты ай мерзімге көлік құралдарын басқару құқығынан айырылды, – деп атап өтті Екібастұз қаласы ПБ жергілікті полиция қызметі бөлімі бастығының орынбасары Медет Бейсенов.