ҚР Өнеркәсіп және құрылыс министрі Қанат Шарлапаев 8 маусымда Алматы қ. әскери-өнеркәсіп кешені кәсіпорындарының жұмысын қадағалау үшін барды, деп хабарлайды kazlenta.kz тілшісі ҚР Өнеркәсіп және құрылыс министрлігінің баспасөз қызметіне сілтеме жасап.
Министр алдымен №405 Авиажөндеу зауытына барып, кәсіпорын қызметімен және оның өндірістік базасымен танысты.
«№405 АЖЗ» Қазақстан Республикасындағы авиациялық техниканы өндіру, техникалық қызмет көрсету және жөндеу бойынша ең көне кәсіпорындардың бірі. Олардың қызметтеріне әуе және ғарыш аппараттарын жөндеу және техникалық қызмет көрсету кіреді. Өндіріс алаңы 23 000 м2 астам және 20 Ми-8/17 тікұшақтарын және олардың модификацияларын күрделі жөндеуге мүмкіндік береді.
Одан кейін Министр С.М. Киров атындағы машина жасау зауытында болды. Кәсіпорынның қызмет саласы – машина жасау және металл өңдеу. Олар сондай-ақ әскери-теңіз қаруларының құрамдас бөліктерін жаңартып жөндеу қызметтерін ұсынады.