Қазақстандық делегация Түркия қорғаныс өнеркәсіп кешені кәсіпорындарының IT-технологияларымен танысып қайтты, деп хабарлайды kazlenta.kz
Қорғаныс министрінің орынбасары Дархан Ахмедиев бастаған Қазақстан Қорғаныс министрлігінің делегациясы Анкара мен Стамбулдағы қорғаныс-өнеркәсіп кешенінің кәсіпорындарына барды.
Бұл сапар Түркия Республикасы Президенті Әкімшілігі жанындағы Қорғаныс өнеркәсібі Комитетінің вице-президентінің шақыруымен өтті.
Қазақстан Қорғаныс министрлігінің өкілдері Қорғаныс қажеттіліктеріне арналған бағдарламалық жасақтаманы әзірлеу саласындағы түрік компанияларының тәжірибесімен, сондай-ақ әскерлер мен қаруды басқарудың жауынгерлік ақпараттық және автоматтандырылған жүйелерінің мүмкіндіктерімен танысты.