Атырау облысындағы Жайық өзенінің деңгейі таңертенмен салыстырғанда тағы да көтерілді деп хабарлайды kazlenta.kz тілшісі Ulysmedia.kz сайтына сілтеме жасап.
Кейбір аудандарда қауіпті деңгейге дейін 30 сантиметр қалған.
- Индербор ауылы + 20 см, су деңгейі-808 см, қауіпті деңгей - 845 см;
- Махамбет ауылы + 8 см, су деңгейі-820 см, қауіпті деңгейі - 850 см;
- Атырау қаласы + 5 см, су деңгейі-476 см, қауіпті деңгей - 550 см.
Махамбет ауданы Жалғансай ауылында 7 км қорғаныс бөгеттері салынды.
Жалғансай ауылдық округінің әкімі Асылжан Қайырғалиевтің айтуынша, ауылда ұзындығы 3 км болатын бөгет қайта жаңартылған.
1,5 мыңға жуық мал
Индер ауданында 1,5 мыңға жуық мал қауіпсіз жерлерге айдалды.
"Ірі және ұсақ малдарды Атырау - Орал және Атырау – Индер тас жолының бойындағы биік жерлерге айдау ұсынылады. Айдауға арналған орындарды Индер ауданының әкімдігі белгіледі", - деп хабарлады ТЖ жөніндегі жедел штаб.