Ақмола полицейлері жоғалған 21 жастағы Көкшетау тұрғынын Алматы қаласына бара жатқан пойыздан тапты, – деп хабарлайды kazlenta.kz тілшісі polisia.kz сайтына сілтеме жасап.
22 сәуірде облыстың аудандық полиция бөлімдерінің біріне мектепте оқытушылық практикадан өткен ақмолалықтың хабар-ошарсыз кеткені туралы хабарламамен жас мұғалімнің әріптесі жүгінді.
Полицейлер хабар-ошарсыз кеткенді іздеуге бағытталған жедел-іздестіру іс-шараларының қажетті кешенін өткізді. Қабылданған шаралардың нәтижесінде қыздың орналасқан жері оңтүстік астанаға баратын жолаушылар пойызында анықталды.
Қыз болашақ жұбайының ата-анасының үйіне құдаларды жіберуге ниеті туралы хабар жеткізбек болған. Алайда, ата-анасына апаратын жолға асығып бара жатып, ол пойызда болған кезде әріптестеріне хабар беруге тырысқан, бірақ ол ұялы желідегі ақауларға байланысты ешкіммен байланыса алмаған.
Қызға қатысты ешқандай қылмыс пен құқық бұзушылық жасалмағаны анықталды.