Ақтөбе мыс компаниясы - мыс және мыс-мырыш кендерін өндіруге және өңдеуге маманданған. Компанияның өндірістік нысандары Қазақстан Республикасы Ақтөбе облысының Хромтау ауданында орналасқан. Кәсіпорын өндірілетін шикізатты қайта өңдеуші және сонымен бірге Весенне-Аралчинское кен орнында жер қойнауын пайдаланушы болып табылады. АМК екі байыту фабрикасындағы кенді өңдеудің жиынтық қуаты жылына 5 млн тонна кенді құрайды, деп хабарлайды kazlenta.kz.
Бүгінде компания Қазақстанда үш кен орнын игеруде: Приорское кен орнында ашық карьер, 2019 жылы пайдалануға берілген Құндызды кен орнында ашық карьер және Весенне-Аралчинское кен орнында жерасты кеніші. Соңғы нысандарды іске қосу қажеттілігі 50 лет Октября кен орнын ашық тәсілмен игерудің аяқталуымен және жер асты кенішін салуға байланысты. Кен орнындағы геологиялық қорлардың қалдығы 9,7 млн тонна мыс кенін құрайды. Өндіру жұмыстарын 2023 жылы бастау жоспарланып отыр. Ашық өндіріс аяқталғаннан кейін 2029 жылы Приорское кен орны да жерасты жұмыс әдісіне көшіріледі.
"Весенне-Аралчинское" кен орны шекаралас болып табылады – оның оңтүстік бөлігі Ақтөбе облысының Хромтау ауданында, ал солтүстік бөлігі Ресейдің Орынбор облысының Домбаров ауданында орналасқан. Оны әзірлеуді "ОРМЕТ" АҚ («Русская медная компания» тобына кіреді) жүзеге асырады. "Весенне-Аралчинское" жерасты кенішінің жобалық қуаты жылына 500 мың тонна кенді құрайды.
Жаңа кен орындарын игеру қажетті жағдайларды және ең бастысы өндірілген шикізатты тиімді өңдеу мүмкіндігін қамтамасыз етуге арналған бірқатар ілеспе жобалармен байланысты. Құндызды мыс-мырыш кен орнын игеру тәжірибесі осыған дәлел. Карьердің жобалық қуаты жылына 2 млн тоннаға дейін кен өндіруге есептелген. Кен орнын игеруге жұмсалған инвестициялардың жалпы көлемі $205 млн құрады. Құндызды кен орнында өндірілетін мыс және мыс-мырыш кені АМК байыту фабрикасының қуаттылықтарында мыс және мырыш концентраттарын алу үшін қайта өңделеді.
АМК байыту фабрикаларында өңделетін шикізаттың жалпы көлемінде мыс-мырыш кені үлесінің ұлғаюына байланысты негізгі технологиялық жабдықты жаңғырту жүргізілді. Ол мырыш флотациясы фронтын кеңейтуге және өндіріске мыс-мырыш кенін жылына 5 млн тоннаға дейін тартуға мүмкіндік берді. Құндызды кен орны карьерінің алаңында инфрақұрылым салудан басқа объектіні электр энергиясымен қамтамасыз ету және кенді АМК байыту фабрикаларына жеткізу үшін сыртқы инфрақұрылым құру қажет болды.
Сондай-ақ, тау-кен өндіру кешенін дамыту мақсатында Лиманное мыс-мырыш кен орнын игеру көзделген. Кеніште мыс кенін өнеркәсіптік өндіруді бастау 2024 жылға жоспарланған.
Ақтөбе мыс компаниясында шамамен 1 600 қызметкер еңбек етеді. Бұдан бөлек, жабдықтарды жөндеу және ұстау бойынша қызмет көрсету мақсатында штаттық саны 600-ге жуық адам мердігерлік ұйымдар тартылды. Кәсіпорында бүкіл Қазақстанның мамандарын тарта отырып, вахталық жұмыс ұйымдастырылды.
Кәсіпорын Ресей мен Қазақстан арасындағы ынтымақтастықты нығайтуда маңызды рөл атқарады. Компания әлеуметтік инфрақұрылымды дамытуға қаражатты белсенді инвестициялай отырып, өзі орналасқан өңірлердің стратегиялық серіктесі болып табылады.