Мемлекет басшысы Қасым Жомарт Тоқаевтың тапсырмасы аясында прокуратура органдары елімізде жүзеге асып жатқан маңызды инвестициялық жобалардың іске асырылуына сүйемелдеу жасайды.
Осы мақсатта Шымкент қалалық прокуратурасы үшінші мегаполистегі ірі өндіріс ошақтары шоғырланған «Онтүстік» арнайы экономикалық аймақта жүзеге асатын инвестициялық бастамаларға заң аясында қолдау, қадағалау жұмыстарын қолға алды. Қазіргі таңда, экономикалық аймақта құны 143,8 млрд. тенгені курайтын 60 жоба орналасқан.
Прокурорлардың инвесторлармен кезекті кездесуінде арнайы экономикалық аймақтың инженерлік инфрақұрылымының сәйкес келмеуі, яғни су құбырлары мен электр желілерін жөндеу кажеттілігі туралы мәселелер айтылган болатын. Инфрақұрылымды жөндеуге және жаңартуға қаржыландыру жағы қарастырылмаған. Орын алған олқылық жұмыс істеп тұрған 35 инвестициялык, жобаға электр қуаты және сумен жабдықтаудың үзілуіне әкелуі мумкін болған.
Қала прокуратурасы қалыптаскан жағдайды және бар тәуекелдерді талдап, әкімдікке ұсыныс енгізді. Ұсыныстың қаралуы нәтижесінде тозығы жеткен инженерлік жүйелерді жөндеуге 122,4 млн.теңге көлемінде қаржы бөлінді. Қазіргі уақытта инженерлік жүйелерді жөндеуге конкурс жарияланды. Инвесторлардың құқықтарын қорғау жұмыстары прокуратура органдары басшылырының тұрақты бақылауында.
Инвесторлар егерде өзекті мәселелер туындаған жағдайда кәсіпкерлер мен инвесторлардың құқықтарын қорғау жөнінде құзырлы мекемеге шағымдана алады. Ол үшін арнайы байланыс орталығының +7751112542 телефон нөміріне немесе Шымкент қаласы прокуратурасының Тәуке хан даңғылы 97 мекен-жайында орналасқан Фронт-офисіне хабарласа алады.
17-12-2023, 15:37
Шымкент қаласының Прокуратурасы: «Оңтүстік» арнайы экономикалық аймаққа қаражат бөлу ісін бақылауда ұстауда
Фото: "Шымкент келбеті" газеті
Егер мәтінде қате байқасаңыз, оны таңдап, Ctrl+Enter пернелерін басыңыз