Ru  Kz
Барлық жаңалықтар

"Құрмет" орденіне байланысты шудан кейін Әли Оқапов барлық марапатынан бас тартты

Фото: instagram/aliokapov

Әнші өзінің әлеуметтік желідегі парақшасында тиісті бейнеүндеу жолдады.

Жуырда "Құрмет" медалін алған Әли Оқапов барлық марапатынан бас тартатынын жеткізді, деп хабарлайды kazlenta.kz тілшісі inbusiness.kz сайтына сілтеме жасап.

"Құрметті достар, әріптестер, осы бейнежазбаны көріп отырғандардың барлығы. Соңғы жағдайларға байланысты бұл мәселеге көп көңіл бөлінетінін күпеген едім. Алайда ештеңе байқамағандай кейіп таныту немесе бәрібір сияқты жүре беру дұрыс емес. Сол себепті осы бейнежазба арқылы телеканалдардың, радиостанциялардың, қоғамдық ұйымдардың және жеке жобалардың барлық музыкалық сыйлығынан бас тарту туралы шешім қабылдағанымды жеткізгім келеді. Жалпы айтқанда, 32 жыл ғұмырымда қатысқан барлық музыкалық жүлделерден. Осыны көптен бері жасағым келіп жүрген. Себебі балама балалар бөлмесі қажет. Ал кабинеттің сөрелерінде тұрған темір жүлделер ол үшін өте қауіпті. Енді осыны істеу үшін жақсы себеп табылды", - деді әнші. 

Одан кейін Әли Оқапов мемлекеттік наградаларға жеке тоқталды. 

"Мемлекеттік наградаларға келсек, оарда ҚР Мемлекеттік рәміздері болғандықтан, бұл жерде жағдай басқаша. Мен заңды зерттеп, қайтару нормативтері туралы іздендім. Алайда ештеңе де таппадым. Мұндай норма жоқ. Меніңше, бұлай ешкім жасамаған. Сол себептен бұл наградалар уәкілетті органның шешімін күтеді. Шешім қандай болса, мен де солай істеймін. Яғни, қолымнан келгеннің бәрін жасауға дайынмын", - деп жалғастырды ол.

Әли Оқапов Мәдениет және ақпарат министрлігіне үлкен алғысын білдірді.

"Бастама білдіргендерге де рақмет. Мен олардың қатарында болмадым. Мен ештеңе сұрамадым, білген де жоқпын. Маған ертең кездесуде болуым керектігі жөнінде түнде айтылды. Ал сол жерге барғаннан кейін мені не күтіп тұрғанын толық түсінбедім", - деді әртіс.

Отандық әнші бейнеүндеуінің негізгі мақсатын түсіндіре келе, "әртіс үшін ең үлкен марапат халықтың ыстық ықыласы мен қошеметі" екенін жеткізді.

"Мен бақытты адаммын. Отбасым, музыкам, тыңдаушым бар. Ең маңызды сыйлығым мен атағымды биыл 17 ақпанда әкем атанған кезде алдым. Бұл атаққа лайық боламын деп үміттенемін. Жалпы, егер де мен біреуді ренжіткен болсам, кешірім сұраймын, олай болғанын қалаған жоқпын. Мені жақтап жатқандарға алғысым шексіз. Шынымды айтсам, жаһандық деңгейде қорқынышты ештеңе де болмады. Құдайға шүкір, ешкім зардап шеккен жоқ. Тарихтың бұл парағынан өтіп, шынымен де маңызды сұрақтар мен мәселелерге назар аудара аламыз. Мен жаспын, бәрі алда деп үміттенемін. Бәлкім осы рөлге сәйкес келмейтін шығармын, бұл да қалыпты жағдай. Сондықтан Тасқын Оқаповтың, Роза Рымбаеваның ұлы әрі қарапайым поп-орындаушы ретінде кешірім сұраймын. Баршаңызды құшақтадым, алғысымды білдіремін", - деп түйіндеді қазақстандық әнші.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайбергеннің жаңа әні ең көп тыңдалған топ-100 әннің қатарына енді
Актер Шәріп Серік қызды ұрды деп айыпталғаннан кейін мәлімдеме жасады
Валерий Меладзе Астананың сұлулығына таң қалды
Баян Алагөзова сәбилі болды
Қайрат Нұртас 15 тәулікке қамауға алынады
Мультимедиа
Президент Қасым-Жомарт Тоқаев мемлекеттік наградалар, жоғары әскери және арнаулы атақтар, сыныптық шендер тапсыру рәсіміне қатысты
Елордада бірлік пен руханиятты ұлықтаған «Әз-Наурыз» мерекесі өтті
Мемлекет басшысы күштік құрылым қызметкерлерін марапаттады
2025 жылғы реформалар мен жаңа өзгерістер: Көлік министрлігі
Мемлекет басшысы KIS Astana халықаралық мектебін аралап көрді