Қайғылы оқиға Қырбалтабай ауылында балабақша аумағында болды. Сәби ашық тұрған кәріз құдығына құлап кетті, деп хабарлайды kazlenta.kz тілшісі ҚазАқпарат сайтына сілтеме жасап.
«13 қыркүйек күні сағат 13:08 шамасында Еңбекшіқазақ ауданының полиция бөліміне Қырбалтабай ауылындағы балабақша аумағында ашық тұрған кәріз құдығына құлап кеткен 3 жасар бала ауылдық ауруханада қайтыс болғаны туралы хабарлама келіп түсті. Аталған факт полицияда «Балалардың өмірі мен денсаулығының қауіпсіздігін қамтамасыз ету жөніндегі міндеттерді тиісінше орындамау» бабы бойынша тіркелді», - деп хабарлады облыстық полиция департаментінің басшысы Бауыржан Әленов.Қазіргі уақытта оқиғаның барлық мән-жайын толық, объективті және жан-жақты зерттеу үшін қажетті тергеу амалдары жүргізілуде.
Б.Әленов тергеу барысын өз бақылауына алғанын атап өтті.