Алматы қаласында тоғызқұмалақтан сайыс өтті. Іс-шара аясында бір мезетте 2028 оқушы тоғызқұмалақ ойнап, рекорд орнатты, деп хабарлайды kazlenta.kz тілшісі ҚР Оқу-ағарту министрлігінің баспасөз қызметіне сілтеме жасап.
Бұл жаңалықты Қазақстанның рекордтар кітабының өкілі тіркеді.
Сондай-ақ Тоғызқұмалақ күні тек Қазақстанда ғана емес, бірнеше мемлекетте де тойланды: Өзбекстан, Моңғолия, Қытай, Латвия, Румыния, Бангладеш, Түркия және Колумбия.
Айта кетейік, 2023 жылдың 21-24 қыркүйегі аралығында Алматы қаласындағы ADD үстел теннисі орталығында рапид және блиц бойынша оқушылар арасында (U-15, U-17) тоғызқұмалақтан әлем чемпионаты өтеді. Турнирге әлемнің 20 елінен 150-ден астам ойыншы қатысады.