Әлеуметтік желіде Түркістан облысында түсірілген видео қызу талқыға түсті. Кадрдан ер адамның өртеніп жатқан ғимараттың төбесіне шығып, мемлекеттік туды алғанын байқауға болады. Желіде тараған видеоға облыстық ТЖД пікір білдірді, деп хабарлайды KAZ.NUR.KZ-ке сілтеме жасаған Kazlenta.kz
Желіде тараған жарияланған видеодан түтіндеп жатқан ғимараттың төбесінде әлдебір адамның мемлекеттік туды жанталаса алып, төмендегілерге лақтырған байқауға болады. Түркістан облыстық ТЖД-ның мәліметінше, өз өмірін қатерге тігіп, шатырға шығып, туды алған жігіт Жұмыспен қамту орталығының қызметкері.
Белгілі болғандай, 17 шілде күні сағат 13.45-те Сайрам ауданы, Ақсукент ауылындағы Жұмыспен қамту орталығы мен дүкен орналасқан бір қабатты ғимараттың шатырынан өрт шыққан.
Өрт 413 шаршы метр аумақты шарпыған, 16:15-те толығымен сөндірілген. Өрттен зардап шеккендер мен қаза болғандар жоқ.
19-07-2022, 10:07
Түркістан облысының тұрғыны өртеніп жатқан ғимарат төбесінен туды алды
Егер мәтінде қате байқасаңыз, оны таңдап, Ctrl+Enter пернелерін басыңыз