Шығыс Қазақстан облысының әкімі Ермек Көшербаев Зайсан ауданына жұмыс сапары барысында «Үйдене» су қоймасына барды, деп хабарлайды kazlenta.kz.
Айта кетейік, гидротехникалық құрылым 1966 жылы пайдалануға берілген және содан бері негізінен жерді суару үшін пайдаланылған. Қордаланып қалған мәселе су қоймасындағы Үйдене бөгетіне шұғыл күрделі жөндеу жүргізу қажеттігіне байланысты.
Аудан фермерлері тамшылатып үнемді суару әдістерін белсенді қолдануды ұсынады, өйткені Зайсанда топырақ тасты, ал аудан қауіпті егіншілік аймағында орналасқан.
"Біздің жоспарымызда Үйденеге ғана емес, сонымен қатар көршілес Тарбағатай ауданындағы Қандысу таулы өзеніндегі бөгетке де бару бар. Екі нысандағы проблемалар ұқсас, оларды шешу үшін жергілікті жерлерде де, бейінді министрліктермен де жұмыс істейтін боламыз", - деді Е.Көшербаев.